आम्ही ना मराठी माध्यम वाले..
आम्ही ना मराठी माध्यम वाले.. बे एके बे, पाच त्रिक पंधरा वाले.. 'या कुंदेंदुतुषारहारधवला' आणि 'एक साथ नमस्ते' वाले.. 'भारत माझा देश आहे' आणि 'सारे भारतीय माझे बांधव' वाले.. आम्ही हातचा धरणारे आणि बाकी सोडणारे.. क, ख, ग, घ पासून य, ज्ञ आणि अं,अ: वाले.. अल्जेब्रा अँड जॉमेट्री नाही; बीजगणित आणि भूमिती वाले.. बालवाडी ते दहावीच्या एसएससी बोर्ड वाले.. आम्ही टि. म. वि. च्या इंग्रजी आणि गणिताची प्रशस्तीपत्रक मिरवणारे.. हिंदी, मराठी आणि मोडक्या तोडक्या इंग्रजीत का असेना वक्तृत्व स्पर्धेची बक्षीसं मिळवणारे.. आम्ही परिसर आणि नागरिक शास्त्र वाले.. आम्ही गोट्या, श्यामची आई आणि फास्टर फेणेवाले.. आम्हीच चंपक, ठकठक आणि चांदोबा वाचणारे.. 'सातच्या बातम्या' आणि नंतर 'वादळवाट' पहाणारे.. आम्ही प्लेलिस्ट मध्ये Eminem आणि रेहमान शेजारी वसंतराव आणि अभिषेकी ठेवणारे.. आम्ही मंटो आणि गालिब वाचताना ही पुलं आणि कुसुमाग्रज काळजात जपणारे.. लगोरी, आबादुबी, लंगडी आणि पाच तीन दोन वाले.. आम्ही 'स्मशानातील सोनं' आणि 'अंतू बर्वा' वाले.. आम्ही ना मर